نئی دہلی(این این آئی)بھارت میں ایک غصیلے شخص نے اپنے باغ سے پھول توڑنے پر بچوں کی ماں کی ناک کاٹ ڈالی۔بھارتی میڈیا کے مطابق ملزم کلیانی مورے نے پہلے بچوں کی جانب سے اپنے باغ سے پھول توڑے جانے پر ان کی ماں، 50سالہ ورکر سوگندھا مورے سے جھگڑا کیا اور بعد میں اس پر حملہ کرتے ہوئے اس کی ناک کاٹ دی۔

بھارتی میڈیا کے مطابق ملزم خود ایک ادھیڑ عمر شخص ہے جس کی شکایت موصول ہونے پر پولیس نے مقدمہ درج کر لیا ہے۔پولیس کے مطابق یہ واقعہ منگل کو بیلگاوی ضلع کے بسورتے گائوں میں پیش آیا تھا جہاں ملزم کلیانی مورے نے سوگندھا مورے کے ساتھ جھگڑا کیا اور بعد ازاں غصے میں آکر اس کی ناک کاٹ دی تھی۔بھارتی میڈیا کے مطابق ملزم موقع سے فرار ہو گیا تھا جس کی تلاش شروع کر دی گئی ہے۔