اترپردیش(این این آئی)بھارتی ریاست اترپردیش میں ماں نے لڑکے کو پسند کرنے پر بیٹی کو قتل کرکے لاش کنویں میں پھینک دی۔بھارتی میڈیا کے مطابق پولیس نے بتایا کہ یہ واقعہ تیجو پور گائوں میں پیش آیا جہاں لڑکی کی ماں شیوپتی نے بیٹی کے اغواء ہونے کا شکایت پولیس میں درج کروائی۔پولیس نے بتایا کہ لڑکی کی ماں نے یہ شکایت 14اکتوبر کو مانجھن پور تھانے میں درج کرائی جس میں بتایا کہ 2اکتوبر کو اس کی بیٹی کھیتوں میں گئی تھی اور تب سے لاپتا ہے جس کے بعد پولیس نے نامعلوم شخص پر مقدمہ درج کے تحقیقات شروع کردیں۔
پولیس کے مطابق26اکتوبر کو گائوں کے مکینوں نے پولیس کو کنویں سے لاش ملنے کی اطلاع دی اور دوران تفتیش معلوم ہوا کہ 15سالہ لڑکی کو اس کی ماں نے ہی قتل کیا اور بچنے کیلئے خود ہی قتل کو اغواء کا رنگ دے کر پولیس کو شکایت کی۔پولیس نے بتایا کہ پولیس نے ماں سے بھی پوچھ گچھ کی جس دوران اس نے اپنا جرم قبول کرتے ہوئے کہا کہ اس کی بیٹی اسی گائوں کے ایک لڑکے کو پسند کرتی تھی اور پیچھے نہ ہٹنے پر اس نے اپنے رشتے داروں کے ساتھ مل کر کلہاڑی کے وار کرکے پہلے بیٹی کو قتل کیا اور پھر لاش بوری میں ڈال کر کنویں میں پھینک دی۔پولیس کے مطابق بیٹی کے قتل پر خاتون کو گرفتار کرلیا گیا ہے جبکہ ماں کے قبضے سے قتل میں استعمال کی جانے والی کلہاڑی، چھڑی اور بوری بھی برآمد کرلی گئی ہے۔
