تل ابیب (این این آئی)ملبوسات تیار کرنے والی ایک ہندوستانی کمپنی جو اسرائیلی پولیس کو سالانہ دسیوں ہزار یونیفارم فراہم کرتی تھی، نے غزہ میں شہریوں پر اسرائیل کے مہلک حملے کے تناظر میں فورس کے مزید آرڈر قبول کرنے سے انکار کر دیا ہے۔
غیرملکی خبررساںادارے کے مطابق جنوبی ریاست کیرالہ کے کنور ضلع میں میریان اپیرل پرائیویٹ لمیٹڈ 2015 سے اسرائیلی پولیس افسران کے لیے ملبوسات فراہم کر رہی ہے۔ لیکن اب اس نے گاہک سے تعلقات منقطع کرنے کا فیصلہ کیا ہے۔کمپنی کے ڈائریکٹر تھامس اولیکل نے بتایا، معصوم عام لوگوں کا قتل اس کی وجہ ہے۔
