مقبوضہ غزہ(این این آئی)جاپان نے غزہ کے شہریوں کے لیے 10 ملین ڈالرز امداد دینے کا اعلان کر دیا۔غیر ملکی میڈیا کے مطابق جاپان کی وزیرِ خارجہ یوکو کامیکاوا کا کہنا تھا کہ غزہ کے شہریوں کی مدد کے لیے 10 ملین ڈالرز امداد فراہم کریں گے۔

جاپانی وزیرِ خارجہ نے کہا ہے کہ وہ تشویش کے ساتھ غزہ کی صورت حال پر نظر رکھے ہوئے ہیں، جاپان توقع کرتا ہے کہ صورت حال جلد سے جلد پرسکون ہو جائے گی۔یوکو کامیکاوا نے مزید کہا کہ وہ اپنے ایرانی ہم منصب کے ساتھ بات چیت کے لیے حتمی تیاری بھی کر رہی ہیں۔