تل ابیب (این این آئی)اسرائیل اور فلسطین کی صورتحال کی غزہ سے لائیو کوریج کے دوران دھماکے کی آواز سن کر خاتون رپورٹر گھبرا گئیں۔عرب ٹی وی کے مطابق خاتون رپورٹر یمنی سید جب صورتحال بتا رہی تھیں، اسی دوران ان کے عقب میں ایک بڑا دھماکا ہوا اور دھواں اٹھتا ہوا دکھائی دیا۔دھماکے کی آواز سے رپورٹر یمنی سید گھبرا گئیں۔ حواس بحال ہونے پر انہوں نے بتایا کہ یہ غزہ شہر کے وسط میں ایک رہائشی بلڈنگ پر کیا گیا اسرائیلی حملہ ہے۔واقعے کی صورتحال بتانے کے دوران رپورٹر کی آواز مسلسل بھرائی رہی۔