واشنگٹن(این این آئی) امریکا میں ٹریفک حادثات میں مرنے والوں کی شرح 40 سال کی بلند ترین سطح پر پہنچ چکی ہے۔امریکا میڈیا کے مطابق نئی رپورٹ میں جاری کردہ اعداد و شمار میں دکھایا گیا کہ پچھلے سال 2022 میں 7,500 سے زائد لوگ سڑکوں پر یا اسے پار کرتے ہوئے گاڑیوں سے ٹکرانے کے نتیجے میں ہلاک ہوئے۔ یہ چار دہائیوں میں پیدل چلنے والوں کی اموات کی بلند ترین شرح ہے۔

گورنرز ہائی وے سیفٹی ایسوسی ایشن (جی ایچ ایس اے) کے ترجمان ایڈم سنائیڈر نے کہا کہ یہ اعداد و شمار ذہن قبول کرنے آمادہ نہیں ہورہا۔ دوسروں لفظوں اس کا مطلب یہ ہے کہ روزانہ کی بنیاد پر 20 افراد ٹریفک حادثات میں مارے جارہے ہیں۔ترجمان کا کہنا تھا کہ پھر آپ سوچیں کہ ان اموات سے کتنے لوگ متاثر ہوتے ہیں جس میں مرنے والے کے خاندان، اہلخانہ، پڑوسی، دوست، سرپرست اور پادری وغیرہ۔انہوں نے کہا کہ میرے پاس الفاظ نہیں ہیں ان نتائج کو دیکھتے ہوئے اور ان اموات کے اثرات کو مدنظر رکھتے ہوئے۔ یہ صورتحال واقعی خوفناک ہے۔

موضوعات:ٹریفک حادثات