واشنگٹن (این این آئی)امریکا کے صدر جو بائیڈن ریاست کولوراڈو پہنچے، جہاں انہوں نے ایئرفورس اکیڈمی کی پاسنگ آئوٹ تقریب میں شرکت کی۔میڈیارپورٹس کے مطابق امریکا کی تاریخ میں یہ پہلا موقع تھا کہ واشنگٹن سے کولوراڈو تک کے سفر میں امریکی صدر کی سیکیورٹی پر خواتین ایجنٹس مامور تھیں۔
امریکا کے صدر کی سیکیورٹی کی ذمہ داری سیکرٹ سروس کی ہے۔سیکرٹ سروس نے اپنے آفیشل ٹوئٹر اکائونٹ سے ان خواتین ایجنٹس کی تصاویر شیئر کیں جو صدر جو بائیڈن کو وائٹ ہائوس سے بحفاظت کولوراڈو لے کر آئیں۔
