ریاض (این این آئی )سعودی وزارت حج و عمرہ نے اعلان کیا ہے کہ حج سیزن سے قبل عمرہ پرمٹ اجرا کی آخری تاریخ 4 جون ہے۔

غیرملکی خبررساں ادارے کے مطابق سعودی وزارت حج و عمرہ کے مطابق عازمین حج کی آمد جاری ہے اور اس سلسلے میں مسجد الحرام میں خیر مقدم کے انتظامات مکمل کرلیے گئے ہیں۔سعودی وزارت حج و عمرہ کا کہنا تھاکہ 4 جون سے مسجد الحرام صرف عازمین حج کے لیے مختص ہوگی۔سعودی وزارت حج و عمرہ نے واضح کیا ہے کہ عمرہ، سیاحت اور وزٹ ویزے پر آنے والوں کو حج کی اجازت نہیں، سعودی عرب سے عمرہ زائرین کی روانگی کی آخری تاریخ 18 جون ہے۔