انقرہ (این این آئی)ترک صدر رجب طیب ایردوآن اور ان کی اہلیہ کروناوائرس کا شکار ہوگئے ۔انھوں نے اطلاع دی کہ ان کا کووِڈ19کا ٹیسٹ مثبت آیا مگرانھیں اس کی شدید علامات کا سامنا نہیں۔میڈیارپورٹس کے مطابق صدر نے ایک ٹویٹ میں کہا کہ معمولی علامات ظاہر ہونے کے

بعدمیں اورمیری اہلیہ نے کووِڈ19کا ٹیسٹ کرایا اور اس کا مثبت نتیجہ آیا ہے۔شکر ہے کہ ہمیں ہلکا سا انفیکشن ہے اور ہمیں بتایا گیا کہ یہ اومیکرون متغیرکا شاخسانہ ہے۔ہم ڈیوٹی پر ہیں۔ ہم گھر سے کام جاری رکھیں گے۔ہم آپ سب کی دعاuwں کے منتظر ہیں۔67سالہ صدر ایردوآن نے یہ پیغام استنبول سے سرنگ کھولنے کی تقریب میں ویڈیولنک کے ذریعے شرکت کے بعد بھیجا تھا۔انھوں نے خراب موسم کا حوالہ دیتے ہوئے کہا کہ وہ اس وجہ سے ذاتی طور پرسرنگ کے افتتاح کی تقریب میں شریک نہیں ہوئے۔ ٹیلی ویژن پرنموداری کے وقت ان میں بیماری کے کوئی آثاردکھائی نہیں دیے۔واضح رہے کہ ترکی میں حالیہ دنوں میں کووڈ17کے یومیہ کیسوں میں ریکارڈ اضافہ ہوا ہے۔