احمد نگر(این این آئی)بھارتی شہر احمد نگر کے سول اسپتال کے آئی سی یو میں آگ لگ گئی جس کے نتیجے میں 10 مریض ہلاک جب کہ 6 شدید زخمی ہو گئے۔بھارتی میڈیا کی رپورٹ کے مطابق آئی سی یو وارڈ میں 25 سے زائد کورونا کے مریض داخل تھے۔احمد نگر کے ضلع کلکٹر راجندر بھوسلے نے 10 کوویڈ-19 مریضوں کی موت کی تصدیق کی ہے۔احمد نگر میونسپل کارپوریشن کے فائر ڈیپارٹمنٹ
کے سربراہ شنکر میسال نے بتایا کہ آگ ہفتے کی صبح گیارہ بجے کے قریب لگی۔دوسری جانب ریاستی حکومت نے اسپتال میں آگ لگنے سے ہلاک ہونے والوں کے لواحقین کو 5 لاکھ روپے معاوضے کا اعلان کیا اور واقعے کی تحقیقات کا حکم دے دیا ۔متعلقہ حکام کو حکم دیا گیا کہ وہ واقعے کی تحقیقات کریں اور ایک ہفتے کے اندر رپورٹ پیش کریں۔بھارتی وزیراعظم نریندر مودی نے واقعے پر افسوس کا اظہار کیا ہے۔
