غزہ، کوئٹہ (مانیٹرنگ + آن لائن)اسرائیلی طیاروں کی فلسطینیوں پروحشیانہ بمباری، بمباری کے دوران 9 فلسطینی شہید ہو گئے، شہید ہونے والوں میں 3بچے بھی شامل ہیں، اس کا علاوہ حماس کا کمانڈر بھی شہید ہونے والوں میں شامل ہے، نجی ٹی وی کی رپورٹ کے مطابق مسجد اقصیٰ کے احاطے میں آگ لگ گئی ہے، رپورٹ
کے مطابق انتہاپسنداسرائیلیوں نے مسجدکے احاطے میں آگ لگائی ہے،دوسری جانب ڈپٹی اسپیکر قومی اسمبلی محمدقاسم خان سوری نے رمضان المبارک کے مقدس مہینے میں اسرائیلی فورسز کے ہاتھوں مسجد اقصی پر حملے اورمعصوم بچوں کی شہادت کی مذمت کرتے ہوئے کہاہے کہ یہ ریاستی سرپرستی میں دہشت گردی، تشدد، درندگی اور غیر انسانی سلوک کی گھنانی حرکت ہے۔این ایف سی ایوارڈ: وفاق کی جانب سے صوبوں کو 19 کھرب 85 ارب سے زائد منتقل کردئے گئے بلوچستان کو دو کھرب 29ارب روپے جاری کئے گئے ہیں،روشن ڈیجیٹل اکاؤنٹس کے یومیہ نئے کھاتہ داروں کی تعداد میں ریکارڈ اضافہ ہواہے۔ان خیالات کااظہار انہوں نے گزشتہ روز سماجی رابطے کی ویب سائٹ ٹویٹر پر اپنے پیغام میں کیا۔انہوں نے کہاکہ رمضان المبارک کے مقدس مہینے میں اسرائیلی فورسز کے ہاتھوں مسجد اقصی پر حملے کی شدید مذمت کرتاہوں۔ یہ ریاستی سرپرستی میں دہشت گردی، تشدد، درندگی اور غیر انسانی سلوک کی گھنانی حرکت ہے۔ یا اللہ، امت مسلمہ کو اسرائیل کے خلاف ڈٹ کر مقابلہ کرنے کی توفیق دے۔ آمین۔قاسم خان سوری نے کہاکہ این ایف سی ایوارڈ: وفاق کی جانب سے صوبوں کو 19 کھرب 85 ارب سے زائد منتقل، جولائی سے لے کر مارچ 2021 تک کی مدت میں پنجاب کو 9 کھرب 73 ارب، سندھ 4
کھرب 93 ارب، خیبرپختونخوا 3 کھرب 19 ارب، بلوچستان دو کھرب 29 ارب روپے کے فنڈز جاری کیے گئے۔پاکستان کی ڈنمارک، فن لینڈ، ناروے، سویڈن، برطانیہ اور دیگر شمالی یورپی ممالک کو برآمدات ایک ارب 98 کروڑ ڈالر سے تجاوز کر گئیں، جولائی سے مارچ 2021 کے دوران شمالی یورپی ممالک کو پاکستانی برآمدات میں
15.82 فیصد اضافہ ریکارڈ کیا گیا۔انہوں نے کہاکہ روشن ڈیجیٹل اکاؤنٹس کے یومیہ نئے کھاتہ داروں کی تعداد میں ریکارڈ اضافہ، 29 اپریل کو ایک ہزار 304، 30 اپریل کو ایک ہزار 97، تین مئی کو دو ہزار 965، چار مئی کو دو ہزار 204، پانچ مئی کو ایک ہزار 872 اور چھ مئی کو ایک ہزار 563 نئے اکانٹس کھولے گئے۔
