ریاض میڈرڈ(این این آئی)سعودی عرب میں 6 علاقوں کے 23 نمازیوں میں کورونا وائرس کی تصدیق ہوئی ہے۔میڈیارپورٹس کے مطابق سعودی وزارت اسلامی امور نے بتایاکہ نمازیوں میں کورونا وائرس کی تصدیق کے

بعد 23 مساجد عارضی طور پر بند کردی گئیں ۔وزارت اسلامی امور کے مطابق 1063مساجد سینیٹائزنگ کے بعد کھول دی گئیں۔واضح رہے کہ گزشتہ 91 دنوں کے دوران 1091 مساجد بند کی گئیں۔دوسری جانب اسپین میں کورونا وائرس کی وبا پر قابو پانے کے لیے نافذ کردہ ایمرجنسی ساڑھے چھ ماہ بعد ختم کر دی گئی ہے۔غیرملکی خبررساں ادارے کے مطابق اسپین کا شمار گزشتہ برس کی چوتھی سہ ماہی تک ان یورپی ممالک میں ہوتا تھا، جو کورونا وائرس کی وبا سے سب سے زیادہ متاثر ہوئے تھے۔ وہاں تقریبا ساڑھے چھ ماہ قبل نافذ کی جانے والی ہنگامی حالت کے تحت عوامی زندگی کو بہت حد تک محدود کر دیا گیا تھا۔ ہفتے اور اتوار کی درمیانی شب بارہ بجے یہ ایمرجنسی اٹھا لی گئی۔ کل تک عوام کے لیے ملک کے مختلف علاقوں کے مابین سفر کی بھی ممانعت تھی۔توار کے دن سے ملکی شہری بڑے بڑے شہروں کے درمیان اور ساحلی علاقوں تک کا داخلی سفر کر سکتے ہیں۔