ٹوکیو(آن لائن ) پاکستانی سماجی شخصیت سید فیروز شاہ کو جاپان کے اعلیٰ ترین سول ایوارڈ سے نوازا گیا ہے۔ فیروز شاہ واحد پاکستانی ہیں جنہیں اس ایوارڈ سے نوازا گیا ہے، یہ اعلیٰ ترین سول ایوارڈ جاپان اور دوست ممالک کے درمیان اہم خدمات انجام دینے والوں کو جاپانی شہنشاہ کی جانب سے دیا جاتا ہے۔جاپان کی حکومت نے
اب تک سول ایوارڈ سے21 غیر ملکیوں کو نوازا ہے جن میں اب پاکستان کے سید فیروز شاہ بھی شامل ہیں۔سید فیروز شاہ بورڈ آف انویسٹمنٹ کے اعزازی ٹیکنیکل ایڈوائزر اور معروف کاروباری و سماجی شخصیت ہیں، ان کا پاکستان میں جاپانی سرمایہ کاری کو ممکن بنانے اور جاپانی کلچر کے فروغ میں اہم کردار رہا ہے۔
