ریاض (این این آئی)سعودی عرب نے بیرون ملک سیآنے والے عمرہ معتمرین کے لیے گائیڈ لائنز جاری کردیں۔سعودی عرب خبر رساں ادارے کے مطابق سعودی عرب کی وزرات حج نے بیرون ممالک سے آنے والے عمرہ معتمرین کے لیے اعلان کیا ہے جس میں کچھ گائیڈ لائنز جاری کی گئی ہیں۔سعودی وزارت حج کے مطابق عمرے پر آنے والے عمرہ کی ادائیگی سے 6 گھنٹے قبل مکہ کے کیئر سینٹر پر جائیں گے جہاں وہ اپنی کورونا ویکسی
نیشن کا اسٹیٹس چیک کریں گے۔وزارت حج کے مطابق کیئر سینٹر میں زائرین کو ایک بریسلیٹ دیا جائے گا جو انہیں لازمی طور پر پہننا ہوگا اس کے بعد انہیں الشبیخہ سینٹر جانے کی ہدایت کی جائے گی جہاں زائرین اپنا بریسلیٹ دکھائیں گے اور اسکے ذریعے ان کے ڈیٹا اور اجازت نامے کی تصدیق کی جائے گی۔سعودی وزارت حج نے زائرین پر زور دیا کہ وہ اپنی عمرہ کی تاریخ اور ان کے لیے تعین کردہ وقت کی پابندی کریں۔
