اسلام آباد(مانیٹرنگ ڈیسک /این این آئی )عمان نے 100سے زائد ممالک کے شہریوں کیلئے ویزہ آمد کو 30دن تک بڑھانے کا منصوبے پر غور شروع کر دی ہے ۔ وزیر خارجہ سید بدر البسعیدی کا کہنا ہے کہ عمان کا اگلے سال کے اوائل میں نان آبجیکشن سرٹیفکیٹ (این او سی) نظام کو ختم کرنے کا منصوبہ ہے۔ان کا کہنا تھا کہ 100 سے زائد ممالک کے شہریوں کو ویزا فری پیش کرنے کے

ملک کے منصوبوں سے بھی آگاہ کیا۔انکا مزید کہنا تھا کہ ویزا فری آمد کو 30 دن تک بڑھانے کا منصوبہ ہے جس سے ہماری سفر اور سیاحت کے شعبے کو فروغ ملے گا۔دوسری جانب خلیجی ریاست سلطنت عْمان نے ملک میں مروجہ لیبر قوانین میں ترمیم سمیت کئی دوسرے اہم اقدامات کا اعلان کیا ہے۔عمانی وزیر خارجہ بدر البوسعیدی نے کہا کہ ان کی حکومت لیبر قوانین میں ترمیم ، نئے ٹیکسوں کا نفاذ، طویل المیعاد سبسڈی ختم کرنے کے ساتھ ساتھ کم آمدنی والے خاندانوں کو مالی تحفظ یقینی بنائے گی۔انہوں نے بین الاقوامی انسٹی ٹیوٹ برائے اسٹریٹجک اسٹڈیز کے زیر اہتمام بحرین میں منعقدہ منامہ ڈائیلاگ کانفرنس کے دوران مزید کہا کہ ملازمت کی عْمان میں پالیسیوں میں اہم تبدیلیاں کی جا رہی ہیں۔ ان میں تارکین وطن مزدوروں کو نئے آجر کے ساتھ کام کرنے کے لیے اجازت نامہ یعنی این اوسی حاصل کرنے کی شرط کی منسوخی بھی شامل ہو گی۔کرونا کے معاشی دباؤ کا سامنا کرنے کے لیے اقدامات کے ساتھ سلطنت عْمان کے شہریوں کو سرکاری ملازمت میں غیر ملکیوں کی جگہ جگہ لینے کے منصوبوں کی منظوری دیدی۔

موضوعات:عمان ویزہ فری