احمد آباد(آن لائن) بھارت میں مبینہ طور پر سوشل میڈیا پوسٹ کی سزا دینے کے لیے ایک شخص کو گلیوں میں برہنہ گھمانے والے پانچ بھائیوں کو گرفتار کر لیا گیا۔ولیس نے بتایا کہ 38 سالہ متاثرہ شخص کو منگل کے روز بھائیوں نے اغوا کرلیا، اسے نشانہ بنانے کے بعد کھبالیہ
کے مغربی قصبے میں برہنہ 45 منٹ تک پیدل گلی گلی گھمایا۔پولیس ترجمان ہریندر چوہدری نے بتایا کہ تفتیش سے یہ بات سامنے آئی ہے کہ متاثرہ شخص روزانہ کی بنیادوں پر فیس بک لائیو ویڈیوز کرتا تھا۔ہریندر چوہدری نے کہا کہ اتوار کے روز ایک فیس بک لائیو ویڈیو میں اس شخص نے پانچوں بھائیوں پر سنگین الزامات عائد کیے اور دعوی کیا کہ وہ مجرمانہ سرگرمیوں میں ملوث ہیں۔ان بھائیوں پر غیر قانونی پر حبس بے جا میں رکھنے اور دیگر جرائم کے الزامات عائد کیے گئے ہیں۔مقامی پولیس نے بتایا کہ یہ واقعہ گجرات میں پیش آیا اور متاثرہ شخص جوئے اور شراب کی لت میں مبتلا ہونے کی وجہ سے متعدد مرتبہ سزا کاٹ چکا ہے کیونکہ ان دونوں پر وزیر اعظم نریندر مودی کی آبائی ریاست گجرات میں پابندی عائد ہے۔
