اسلام آباد (مانیٹرنگ ڈیسک) نو منتخب صدر جوبائیڈن نے اپنی کامیابی پر امریکی عوام کا شکریہ، امریکی ریاست پنسلوانیا کا نتیجہ آنے کے بعد ڈیموکریٹک امیدوار جوبائیڈن نے مطلوبہ 270 سے زائد الیکٹورل ووٹس حاصل کرلیے ہیں اور ان کے حریف ٹرمپ
صدارتی دوڑ سے باہر ہوگئے ہیں۔نجی ٹی وی کےمطابق مطلوبہ الیکٹورل ووٹس حاصل کرنے کے بعد جوبائیڈن نے ٹوئٹر پر امریکی عوام کے نام اپنے پیغام میں کہا کہ ‘میرے لیے یہ اعزاز کی بات ہے کہ آپ لوگوں نے مجھے اس عظیم ملک کی قیادت کے لیے منتخب کیا ہے۔جوبائیڈن کاکہنا ہے کہ آنے والے وقت میں ہمیں بہت سی مشکلات اور چیلنجز درپیش ہیں لیکن میں سب سے وعدہ کرتا ہوں کہ میں تمام امریکیوں کا صدر بنوں گا چاہے آپ نے مجھے ووٹ دیا ہے یا نہیں۔نومنتخب امریکی صدرکاکہنا ہےکہ ‘امریکی شہریوں نے مجھ پر جو اعتماد کیا ہے میں اسے برقرار رکھوں گا۔
