خرطوم(این این آئی)متعدد مقابلہ حسن قرت جیتنے والے عالمی شہرت یافتہ سوڈانی قاری شیخ نورین محمد صدیق دیگر 3 حافظ قرآن سمیت ٹریفک حادثے میں جاں بحق ہوگئے۔میڈیارپورٹس کے مطابق شیخ نورین محمد صدیق کو ان کی منفرد قرت کی وجہ سے دنیا بھر میں اور خصوصی طور پر مشرق وسطی، افریقہ اور وسط ایشیا میں شہرت حاصل تھی اور ان کی قرت کو انتہائی عقیدت سے
سنا جاتا ہے۔شیخ نورین محمد کو قدیم قرت الدوری کرنے کی وجہ سے زیادہ شہرت حاصل تھی، مقدس کتاب قرآن کریم کی قرت کا مذکورہ انداز معروف عراقی عالم و قاری ابو امر حفص ابن عمر، ابن عبدالعزیز بغدادی نے 150 ہجری میں متعارف کرایا تھا۔شیخ نورین محمد صدیق کی قرت کو دنیا بھر کے مسلمان نہ صرف گھروں میں آڈیو اور ویڈیو کی صورت میں سنا کرتے ہیں بلکہ ان کی قرت کو دوران سفر گاڑیوں، کاروں اور دیگر ٹرانسپورٹ میں بھی سنا جاتا ہے۔شیخ نورین محمد صدیق نے دبئی، ملائیشیا و انڈونیشیا سمیت دیگر مشرق وسطی ممالک میں ہونے والے مقابلہ حسن قرت میں حصہ لیا اور انہوں نے کئی مقابلے اپنے نام کیے۔انہیں مشرق وسطی کے افریقی ملک سوڈان میں بااثر شخصیات میں شمار کیا جاتا تھا۔پنی رپورٹ میں بتایا کہ شیخ نورین محمد صدیق 6 نومبر کو دارالحکومت خرطوم کے قریب ٹریفک حادثے کا شکار ہوئے اور وہ مزید تین ساتھیوں سمیت انتقال کر گئے،سوڈان کے وزیر ثقافت نے بھی شیخ نورین محمد صدیق کے روڈ حادثے میں وفات پاجانے کی تصدیق کرتیہوئے بتایا کہ ان سمیت دیگر تین افراد بھی چل بسے۔شیخ نورین محمد صدیق دیگر 4 حافظ قرآن ساتھیوں سمیت سفر کر رہے تھے اور حادثہ اس قدر خطرناک تھا کہ معروف قاری 3 ساتھیوں سمیت وفات پاگئے۔حادثے میں زخمی ہونے والے شخص کا علاج جاری ہے، تاہم ان کی حالت بھی تشویش ناک بتائی جا رہی ہے۔شیخ نورین محمد صدیق کے مداحوں کی جانب سے ان کے نام سے بنائے گئے فیس بک پیج پر بھی ان کی وفات کی تصدیق کرتے ہوئے گہرے دکھ کا اظہار کیا گیا۔شیخ نورین محمد صدیق کی وفات پر سوڈان کے عوام سمیت دنیا بھر کے مسلمانوں نے گہرے دکھ اور افسوس کا اظہار کیا ہے۔
