واشنگٹن(آن لائن) مؤقر امریکی اخبار نے دعویٰ کیا ہے کہ متوقع جیت کے پیش نظر ڈیموکریٹک پارٹی کے امریکی صدارتی امیدوار جو بائیڈن کی سیکیورٹی بڑھانے کا فیصلہ ہو گیا ہے۔واشنگٹن پوسٹ نے دعوی کیا ہے کہ متوقع جیت کے سبب امریکی سیکرٹ سروس نے جوبائیڈن کی سیکیورٹی بڑھانے کا منصوبہ بنا لیا ہے۔امریکی اخبار کے مطابق سیکریٹ سروس جمعہ کو ولنگٹن
میں نئی فوج بھیجے گی، جہاں جیت کے بعد جو بائیڈن ولنگٹن کے کنونشن سنٹر میں تقریر کرسکتے ہیں۔واشنگٹن پوسٹ کے مطابق امریکی صدر کی حفاظت کے لیے ان کے اطراف ہمیشہ سیکرٹ سروس کے لوگ موجود ہوتے ہیں اور یہ تحفظ صرف صدارت تک محدود نہیں رہتا بلکہ ریٹائرمنٹ کے بعد بھی صدر اور اس کے اہلخانہ کو ایک خاص مدت تک یہ سروس حاصل رہتی ہے۔خیال رہے کہ امریکی انتخاب کے حتمی نتائج میں فیصلہ کن کردار ادا کرنے والی پانچ میں سے ایک ریاست جارجیا میں بھی جوبائیڈن نے برتری حاصل کر لی ہے. ڈیموکریٹ امیدوار جو بائیڈن امریکی صدارتی انتخاب جیتنے کے قریب پہنچ گئے ہیں۔ رپورٹ کے مطابق جوبائیڈن کو وی وی آئی پی سکیورٹی دے دی گئی ہے، سیکرٹ سروس نے جوبائیڈن کی حفاظت کیلئے مزید اہلکار ولمنگٹن بھیج دیئے ہیں، اس کے علاوہجوبائیڈن کی رہائشگاہ پر فضائی حدود کے استعمال پر بھی پابندی عائد کردی گئی ہے۔ واشنگٹن پوسٹ کے مطابق جوبائیڈن کی جیت کے امکانات بڑھ گئے ہیں، جوبائیڈن کو موجودہ صدر کے برابر سکیورٹی دے دی گئی ہے اور انتخابات کے حتمی نتائج کے فوری بعد وہ جیت پر خطاب کر سکتے ہیں۔ دوسری جانب امریکی صدارت کے ڈیموکریٹ امیدوار جو بائیدن نے کہاہے کہ لوگوں کو خاموش، ستایا یا ہتھیار ڈالنے پر مجبور نہیں کیا جا سکتا۔غیرملکی خبررساں ادارے کے مطابق سماجی رابطے کی ویب سائٹ ٹوئٹر پر
ایک بیان میں امریکی صدارت کے ڈیموکریٹ امیدوار جوبائیدن کا یہ بھی کہنا تھا کہ ہر ووٹ شمار کیا جانا چاہیئے۔اس سے قبل انہوں نے اپنے ٹوئٹ میں یہ کہا کہ ہماری جمہوریت ہم سے کوئی چھیننے والا نہیں ہے، نہ اب، نہ ہی کبھی۔انہوں نے یہ بھی کہا کہ امریکا بہت دور آ چکا ہے، اس نے بہت سی جنگیں لڑی ہیں اور ایسا کرنے کے لیے بہت کچھ برداشت کیا ہے۔
