انقرہ(این این آئی) ترکی میں ہلاکت خیز زلزلے میں ملبے کا ڈھیر بننے والی عمارتوں میں سے 3 دن بعد معجزانہ طور پر زندہ بچ جانے والے دو بچیوں کو نکالا گیا ہے۔عالمی خبر رساں ادارے کے مطابق ترکی کے ساحلی شہر ازمیر میں آنے والے

7.0 شدت کے زلزلے نے بڑے پیمانے پر تباہی مچائی جس کے نتیجے میں جاں بحق ہونے والوں کی تعداد 81 ہوگئی ہے۔امدادی کاموں کے درمیان گزشتہ روز زلزلے کے 48 گھنٹے بعد ایک 70 سالہ بزرگ کو زندہ نکالا گیا تھا جب کہ تیسرے معجزانہ طور پر زندہ بچ جانے والی دو بچیوں کو ملبے سے نکالا گیا ہے۔ازمیر میں آنے والے زلزلے میں 20 عمارتیں زمین بوس ہوگئی تھیں جن میں 1 ہزار سے زائد زخمی ہوئے تھے جب کہ جاں بحق ہونے والوں کی تعداد 81 ہوگئی ہے۔ امدادی کاموں کا سلسلہ تاحال جاری ہے۔واضح رہے کہ ترکی کے ساحلی شہر ازمیر کے ساتھ ساتھ یونان کے جزیرے ساموس میں بھی لزلے کے جھٹکے محسوس کیے گئے تھے تاہم وہاں ہلاکتوں کی تعداد 3 رہی اور 50 کے لگ بھگ افراد زخمی ہوئے۔