نئی دہلی(مانیٹرنگ ڈیسک) 36 سالہ خاتون کو تعلیم حاصل کرنے کا شوق اسے آگے بڑھنے سے نہ روک پایا، بھارت کی ریاست مہاراشٹرا سے تعلق رکھنے والی 36 سالہ خاتون بے بی گورو نے اپنے 16 سالہ بیٹے کے ساتھ میٹرک کا امتحان دیا جو انہوں نے امتیازی نمبروں سے پاس کر لیا۔بھارتی خاتون نے 64.40 فیصد نمبرز حاصل کیے جب کہ اس کے بیٹے نے 73.20 فیصد نمبرز
حاصل کئے۔ خاتون نے کہا کہ ان کی شادی کم عمری میں ہوگئی تھی جس کی وجہ سے وہ اپنی سکول کی تعلیم مکمل نہیں کرسکی لیکن ان کے شوہر نے ان کا ساتھ دیا اور بیٹے کے ساتھ میٹرک کا امتحان دینے کا کہا۔خاتون نے بتایا کہ ان کے شوہر ایک کپڑا بنانے والی فیکٹری میں کام کرتے ہیں، انہوں نے اور بیٹے نے میٹرک کا امتحان پاس کرنے میں ان کی بہت مددکی۔
