اسلام آباد (این این آئی)پاکستان نے انسانی حقوق کی چھ بین الاقوامی تنظیموں کے مقبوضہ کشمیر پر مشترکہ بیان کا خیرمقدم کرتے ہوئے بھارت سے مقبوضہ جموں و کشمیر میں قیدیوں کو فوری رہا اور انٹرنیٹ سروس بحال کرنے کا مطالبہ کیا ہے ۔ منگل کو ترجمان دفتر خارجہ نے کہاکہ بین الاقوامی تنظیموں نے
بھارت سے مقبوضہ جموں و کشمیر میں قیدیوں کو فوری رہا اور انٹرنیٹ سروس بحال کرنے کا مطالبہ کیا۔ انہوںنے کہاکہ مشترکہ بیان میں اس بات کی نشاندہی کی گئی ہے مقبوضہ کشمیر میں کورونا کے خلاف اقدامات کر کے انسانی حقوق کا احترام کرنا چاہئے۔ترجمان دفتر خارجہ نے کہاکہ 5 اگست 2019 کے بعد سیاسی قیدیوں ، انسانی حقوق کے محافظوں اور مقبوضہ کشمیر کے گرفتار تمام افراد کو فوری رہا کیا جائے۔ترجمان دفتر خارجہ نے کہاکہ بین الاقوامی تنظیموں نے کشمیر میں مواصلاتی بلیک آؤٹ اور بیرونی دنیا سے قیدیوں کو الگ تھلگ کرنے پر تشویش کا اظہار کیا ہے۔ترجمان دفتر خارجہ نے کہاکہ مشترکہ بیان میں کشمیری قیدیوں پر کئی دہائیوں تک ہونے والی زیادتیوں پر انسانی حقوق اور اقوام متحدہ کے اداروں کی طرف سے بار بار مذمت کی نشاندہی بھی کی گئی
