مقبوضہ بیت المقدس (این این آئی)دنیا بھرمیں پھیلنے والی کرونا وائرس کی وبا نے دنیا بھر کی مساجد میں عبادت اور نماز کی ادائیگی بھی متاثر کی ہے۔ حرمین شریفین میں نماز جمعہ کے اجتماعات پر پابندی کے بعد مسجد اقصی میں بھی نماز جمعہ میں عوام شہریوں کی آمد پر پابندی عاید کی گئی۔مرکز اطلاعات فلسطین کے مطابق مسجد اقصی میں حرم قدسی اور

محکمہ اوقاف کے ملازمین نے نماز جمعہ میں شرکت کی۔اس موقعے پرمسجد اقصی میں کرونا وائرس سے بچائو کے لیے سخت حفاظتی انتظامات کئے گئے تھے۔ نمازیوں نے چہروں پر ماسک پہن کر نماز جمعہ ادا کی۔اس موقعے پر خطاب کرتے ہوئے مسجد اقصی کے خطیب الشیخ یوسف ابو اسنینہ نے شہریوں پر زور دیا کہ وہ اپنی صحت کی حفاظت کیلئے اپنے گھروں میں رہیں۔‎

موضوعات:کرونا وائرس مسجد اقصیٰ