واشنگٹن (این این آئی) امریکہ میں کورونا وائرس سے تین پاکستانی شہری جاں بحق ہوگئے، میجر جنرل عبیرہ چوہدری اور بریگیڈئر (ر) عرفان شکر کے بیٹے رحمان شکر واشنگٹن کے ہسپتال میں انتقال کرگئے۔ 26 سالہ رحمن شکر انٹرنیشنل مانیٹری فنڈ میں فنانشل سسٹم کے ماہر کے طور پر اپنی خدمات دے رہے تھے

جبکہ ان کی والدہ آرمی میڈیکل کور میں گائناکولوجسٹ اور والد اسلام آباد میں نجی میڈیکل یونیورسٹی میں ملازمت کرتے ہیں۔ ان کے علاوہ امریکہ میں دیگر دو پاکستانی کرونا وائرس کا شکار ہوئے، نیو یارک میں ایک کاروباری شخص حاجی اقبال وڑائچ اور ایک نامعلوم پاکستانی خاتون انتقال کر گئے۔

موضوعات:کرونا وائرس سے متاثرہ مزید تین پاکستانی جاں بحق ہو گئے