اسلام آباد (مانیٹرنگ ڈیسک)بھارتی آرمی کمپائونڈ ’’پاکستان زندہ باد ‘‘ کے نعروں سے سج گیا ۔ بھارتی شدید مشتعل ہو گئے ۔ تفصیلات کے مطابق بھارتی آرمی فوجیوں کا رہائشی کمپائونڈ پاکستان زندہ باد اور کشمیر فری کےنعروںکا منظر پیش کرنے لگا ۔ بھارتی حکام اور عوام آگ بگولہ ہو گئے ۔ ڈپٹی کمشنر کا کہنا ہے کہ پاکستان زندہ باد کے نعرے تحریر کرنے پر
نامعلوم افراد کیخلاف مقدمہ درج کر دیا گیا ۔دوسری جانب بھارتی ریاست کرناٹک کے دارالحکومت بنگلورکے علاقے شیواجی نگر میں دیواروں پرایک بار پھر کشمیریوںکے حق میں اور’’فری کشمیر‘‘ کے نعرے دیکھے گئے ہیں۔کشمیرمیڈیاسروس کے مطابق انتظامیہ نے ان نعروں کو مٹانے کے لیے دیواروں پرنیا رنگ کرلیا۔ ڈپٹی کمشنر آف پولیس (ایسٹ) ایس ڈی شرانپا نے کہا کہ اس سلسلے میں مقدمہ درج کرلیا گیا ہے جبکہ تحقیقات جاری ہے اور مجرموں کو جلد ہی پکڑ لیا جائے گا۔انہوں نے کہا کہ یہ معاملہ آج صبح ہی ہمارے علم میں آیا اور لگتا ہے کہ یہ کارروائی حال ہی میں کی گئی ہے۔انہوں نے کہاکہ ہم سی سی ٹی وی کیمروں سے معلومات جمع کررہے ہیں ۔ گزشتہ ماہ بھی بنگلورمیں چرچ اسٹریٹ پر کچھ دکانوں اور دیواروں کے شٹروں پر وزیر اعظم نریندر مودی اور متنازعہ شہریت قانون کے خلاف نعرے درج کئے گئے تھے۔
