تہران(این این آئی)سوشل میڈیا پر وائرل ہونے والے بعض وڈیو کلپوں میں ایران میں کرونا وائرس کے سبب موت کا شکار ہونے والے افراد کی اجتماعی تدفین کے مناظر دکھائے گئے ۔ ایک وڈیو بنانے والے شخص نے کہاہے کہ کرونا کے سبب فوت ہونے والے 80 افراد کو قْم شہر کے بہشت معصومہ قبرستان میں دفنایا گیا۔میڈیارپورٹس کے مطابق ایرانی حلقوں نے بتایاکہ یہ قبرستان رہائشی علاقے کے گھروں کے قریب واقع ہے۔ اسی طرح مذکورہ وڈیو کلپ

میں دیکھا جا سکتا ہے کہ تدفین میں جنازوں کے ہمراہ افراد نے کسی قسم کی احتیاطی تدبیر اختیار نہیں کر رکھی۔دیگر وڈیو کلپوں میں بعض ایرانیوں کو جنوبی شہر بندر عباس شہر میں ایک ہسپتال کو آگ لگاتے ہوئے دیکھا جا سکتا ہے۔ یہ اقدام اس طرح کی خبریں گردش میں آنے کے بعد کیا گیا کہ ہسپتال میں کرونا سے متاثرہ افراد موجود ہیں۔ایران میں شہریوں اور حکمراں نظام کے درمیان عدم اعتماد کی فضا واضح طور پر دیکھی جا سکتی ہے۔