لندن(این این آئی)سینئربیوروکریٹس کوہراساں کرنے کے ا لزام کاسامنا کرنے والی برطانوی وزیرداخلہ پریتی پٹیل برطانیہ کی تمام انٹیلی جنس ایجنسیوں پر کنٹرول حاصل کرنے کی کوشش کررہی تھیں، اس بات کاانکشاف برطانوی میڈیا نے کیا ۔برطانوی اخبار کے مطابق وزیر داخلہ کے مبینہ غیرمناسب رویہ کی تحقیقات کابینہ آفس کررہا ہے جو یہ دیکھے گا کہ آیا پٹیل نے موجودہ یا سابق دور میں ضابطے کی
خلاف ورزی تو نہیں کی، پریتی پٹیل پر غیرمناسب رویے کا الزام لگاتے ہوئے وزارت داخلہ کے سینئر بیورکریٹ سرفلپ رت نم ہفتے کو مستعفی ہوگئے تھے۔برطانوی اخبار کے مطابق پریتی پٹیل ایک منصوبے پر کام کررہی تھیں جس کے تحت وزارت داخلہ کے تحت نیا مشترکہ کنٹرول نظام قائم کرنا تھا جس میں خفیہ ایجنسی ایم آئی سکس اور چی سی ایچ کیو کو بھی دائرے میں لانا تھا۔ یہ دونوں ادارے اس وقت امور خارجہ سے متعلق وزارت کے ماتحت ہیں۔پریتی پٹیل کی اس حوالے سے کوشش کو کابینہ سیکریٹری اور قومی سلامتی کے مشیر سر مارک سیڈویل نے روک کرناکام بنا دیا تھا۔ پریتی پٹیل کے حوالے سے یہ بات بھی سامنے ا?ئی ہے کہ انکے رویے کے سبب ایک اہلکار خاتون نے دلبرداشتہ ہوکر ضرورت سے زیادہ دوائی کھالی تھی۔پریتی پٹیل کے مبینہ غیرمناسب رویے کیخلاف برطانوی وزیراعظم بورس جانسن نے تحقیقات شروع کرنے کی ہدایت کی ہے۔
