کابل (این این آئی) افغان طالبان نے بین الافغان مذاکرات کو قیدیوں کی رہائی سے مشروط کر دیا، دوسری جانب سرکاری افواج پر حملے دوبارہ شروع کرنے کا اعلان کر دیا ہے۔میڈیارپورٹس کے مطابق افغان طالبان نے افغان فورسز پر حملے دوبارہ سے شروع کرنے کا اعلان کر دیا، طالبان کا کہنا تھا کہ وہ افغان افواج کے خلاف لڑیں گے لیکن غیر ملکی افواج کو نشانہ نہیں بنائیں گے۔اب تک یہ واضح نہیں ہے
کہ طالبان فوراً ہی حملوں کا آغاز کر دیں گے یا پھر یہ حکومت پر اپنے قیدی رہا کرانے کے لیے دباؤ بڑھانے کے لیے کیا جا رہا ہے۔افغانستان میں امریکی افواج کے کمانڈر نے کہا کہ وہ وعدوں کے حوالے سے سنجیدہ ہیں اور طالبان سے بھی یہی توقع رکھتے ہیں کہ وہ اپنے وعدوں پر پورا اتریں گے۔طالبان کے ترجمان ذبیح اللہ مجاہد نے کہا اگر ان کے قیدی رہا نہ کئے گئے تو بین الافغان مذاکرات نہیں ہوں گے۔
