بیجنگ(این این آئی ) چین میں کرونا سے مزید 52 افراد ہلاک ہو گئے، مرنیوالوں کی تعداد 2 ہزار سات سو پندرہ ہو گئی۔ دنیا بھر میں کرونا سے چالیس سے زائد افراد ہلاک ہو گئے۔غیرملکی خبررساں ادارے کے مطابق چین سمیت دنیا کے تیس سے زائد ممالک کرونا کی لپیٹ میں، چین میں کرونا وائرس سے مزید باون افراد ہلاک ہو گئے۔
مرنے والوں کی تعداد دوہزار سات سو پندرہ ہو گئی، متاثرین کی تعداد 78 ہزار سے تجاوز کر گئی۔جنوبی کوریا میں ہلاکتوں کی تعداد گیارہ ہو گئی جبکہ متاثرین کی تعداد 11 سو 46 ہے۔ اٹلی میں دس افراد ہلاک ہو چکے ہیں۔ تین سو افراد کرونا کا شکار ہیں۔ اٹلی میں گیارہ ٹاؤنز میں لاک ڈاؤن ہے۔
