لندن (این این آئی)وزیر اعظم عمران خان کی سابق اہلیہ جمائما گولڈ اسمتھ کی جانب سے اپنے سابق شوہر سے متعلق کی جانے والی ٹوئٹ دیکھتے ہی دیکھتے ٹاپ ٹرینڈ بن گئی۔جمائما گولڈ اسمتھ نے 18 فروری کو آرٹسٹک انداز میں تیار کیا گیا ایک فرضی فلمی پوسٹر شیئر کیا تھا۔جمائما نے فلمی پوسٹر ٹوئٹ کرتے ہوئے سوال کیا کہ کون لولی وڈ (پاکستانی فلم انڈسٹری) کے پوسٹر پسند نہیں کرتا

اور انہوں نے واضح کیا کہ جو وہ پوسٹر شیئر کر رہی ہیں اسے ان کے ایک دوست نے لاہور میں دیکھا۔ جمائما خان نے پوسٹر میں لکھے ہوئے اردو جملے کا انگریزی ترجمہ بھی لکھا۔جمائما گولڈ اسمتھ نے جس فرضی فلمی پوسٹر کو شیئر کیا اس میں وزیر اعظم عمران خان کو ایک کرسی پر بیٹھے ہوئے دکھایا گیا ہے جبکہ پوسٹر میں ان کی اہلیہ بشریٰ بی بی اور جمائما گولڈ اسمتھ کی تصاویر بھی شامل کی گئی ہے۔فرضی فلمی پوسٹر کے درمیان میں اردو میں لکھا گیا کہ ’تونے کیسا جادو کیا‘؟جمائما گولڈ اسمتھ کی اسی ٹوئٹ کو چند گھنٹوں میں 4 ہزار بار ری ٹوئٹ کیے جانے سمیت اسے 22 ہزار سے زائد افراد نے لائیک کیا جبکہ درجنوں افراد نے ان کی ٹوئٹ پر کمنٹس کیے جس کے بعد دیکھتے ہی دیکھتے ’جمائما‘ کا نام ٹوئٹر پر پاکستان میں سب سے بڑا ٹرینڈ بن گیا۔

Who doesn’t love a Lollywood poster? Spotted today by a friend in Lahore…

Caption: “what kind of black magic did you do?” ??? pic.twitter.com/yvk0a3vO7C

— Jemima Goldsmith (@Jemima_Khan) February 17, 2020

موضوعات:جمائما گولڈ اسمتھ