اسلام آباد(مانیٹرنگ ڈیسک)ایران نے امریکی صدر ڈونلڈ ٹرمپ کے سر پر 80ملین ڈالرز کے انعام کا اعلان ، ساتھ ہی وائٹ ہائوس پر حملے کی دھمکی بھی دیدی،برطانوی اخبار کی رپورٹ کے مطابق جنرل قاسم سلیمانی کے جنازے کے منتظم کی جانب سے تمام ایرانی باشندوں سے اپیل کی گئی کہ وہ کم از کم ایک ڈالر عطیہ دیں تاکہ ٹرمپ کا قتل کرنے والے کیلئے 80 ملین ڈالرز کی رقم

جمع کی جا سکے۔ آرگنائزر کی جانب سے مشہد میں منعقدہ جلوس کے دوران یہ اپیل کی گئی۔دوسری جانب ایران کے رکن اسمبلی ابو الفضل ابو ترابی نے دھمکی دی کہ جوابی کارروائی کرتے ہوئے امریکی سرزمین پر حملہ کیا جائے گا۔ایرانی نیوز ایجنسی کی رپورٹ کے مطابق انہوں نے کہا کہ ہم وائٹ ہائوس پر بھی حملہ کر سکتے ہیں، ہمارے پاس طاقت ہے اورمناسب وقت پر جواب بھی دیا جائیگا۔