واشنگٹن(این این آئی)بھارت میں مظاہرین کے خلاف مودی سرکار کے ہتھکنڈوں کو غیر ملکی میڈیا بھی تنقید کا نشانہ بنا رہا ہے۔امریکی ٹی وی کے مطابق بھارت میں شہریت کے متنازع قانون کے خلاف مظاہروں کو کنٹرول کرنے کے لیے بھارتی حکومت نے شہری پابندیاں سخت کر دی ہیں۔امریکی ٹی وی نے اپنی رپورٹ میں بتایا کہ مظاہرے روکنے کیلیے اجتماعات
پر پابندی لگادی گئی ہے ، مختلف شہروں میں انٹرنیٹ اور فون سروس بند کی جارہی ہے۔ناقدین کہتے ہیں کہ شہریوں کے مذہب کی بنیاد پر بننے والا قانون سیکولر آئین کے خلاف ہے ، یہ قانون بیس کروڑ مسلم آباد ی کو مزید دیوار سے لگادے گا، مظاہرین کا کہناتھاکہ سب سے بڑی جمہوریت میں شہریوں کی آواز دبانے کیلئے اجتماعات پر پابندیاں عائد کی جارہی ہیں۔
