دنیا کو اب کشمیریوں کی آواز سننی ہو گی،پاکستانی نژاد نومنتخب برطانوی ارکان پارلیمان کا کشمیریوں کے حق خودارادیت کی حمایت کا اعلان

  پیر‬‮ 16 دسمبر‬‮ 2019  |  12:24

لندن(آن لائن)برطانوی پارلیمان کے نو منتخب ارکان نے اعلان کیا ہے کہ وہ کشمیریوں کی حق خود ارادیت کی جدوجہد میں ان کی بھرپور حمایت کریں گے۔لیبرپارٹی کے رکن پارلیمنٹ افضل خان نے اپنے ایک بیا ن میں کہا کہ وہ مقبوضہ جموں و کشمیر کے باسیوں کے حقوق کیلیے آواز اٹھائیں گے، انھوں نے کہا کہ وہ کشمیری عوام کو یقین دلاتے ہیں کہ ہم نو منتخب ارکان پارلیمان اقوام متحدہ کی قراردادوں کی روشنی میںان کی تحریک کی حمایت کریں گے،رکن پارلیمنٹ خالد محمود نے کہا کہ دنیا کو اب کشمیریوں کی آواز سننی ہو گی جن کی


جدوجہد اقوام متحدہ کی قراردادوں کے عین مطابق ہے۔لیبر پارٹی کی یاسمین قریشی نے کہا کہ وہ برطانوی پارلیمان کے اندر اور باہر مقبوضہ جموں و کشمیر کے رہنے والوں کی آواز بنیں گی،مشرقی بریڈفورڈ سے منتخب لیبر رکن پارلیمنٹ عمران حسین نے کہا کہ وہ  کشمیریوں کی سیاسی جدوجہد کی حمایت کریں گے۔


موضوعات: