یارکشائر(این این آئی) اسلام فوبیا میں مبتلا مشتعل برطانوی جوڑے نے سلور ڈیل کے نزدیک مسافر بس میں باحجاب مسلم طالبہ کو بہیمانہ تشدد کا نشانہ بنا ڈالا۔ غیر ملکی میڈیا رپورٹ کے مطابق سوشل میڈیا پر 40 سالہ برطانوی خاتون اور ان کے شوہر کی جانب سے 14 سالہ باحجاب مسلم طالبہ کودھکے دیکر زمین پر گرا کر تشدد کرنے کی ویڈیو وائرل ہوئی ہے جس پر یارکشائر پولیس نے کارروائی کرتے ہوئے برطانوی جوڑے کو حراست میں لے لیا ہے۔شمالی برطانیہ کے شہر شیفیلڈ میں پیش آنیوالے اس واقعے کی ویڈیو میں ایک بس کے اندر برطانوی جوڑے
کو سکول کی باحجاب مسلم طالبات پر چیختے ہوئے دیکھا جا سکتا ہے، برطانوی جوڑے نے اسلام اور مسلمانوں کیخلاف نازیبا استعمال کی اور حجاب کو برا بھلا کہا۔طالبات کی جانب سے احتجاج کرنے پر برطانوی خاتون نے مسلمان طالبہ کو مارا پیٹا یہاں تک کہ طالبہ کو زمین پر لٹا کر تشدد کرتی رہی جبکہ اس دوران برطانوی خاتون کا شوہر اسلام کیخلاف بکواس کرتا رہا دیگر مسلم طالبات نے بمشکل تشدد کا نشانہ بننے والی طالبہ کو برطانوی خاتون کے چنگل سے آزاد کرایا۔سلور ڈیل سکول انتظامیہ نے مسلم طالبات کو ہراساں اور تشدد کا نشانہ بنانے کے واقعے کی مذمت کرتے ہوئے کہا ہے کہ ہم اپنی طالبات کے ساتھ کھڑے ہیں اور ان کے اہل خانہ سے افسوس کا اظہار کرتے ہوئے ہر قسم کی مدد کو تیار ہیں۔ شمالی برطانیہ کے شہر شیفیلڈ میں پیش آنیوالے اس واقعے کی ویڈیو میں ایک بس کے اندر برطانوی جوڑے کو سکول کی باحجاب مسلم طالبات پر چیختے ہوئے دیکھا جا سکتا ہے