ہفتہ‬‮ ، 05 اپریل‬‮ 2025 

سعودی عرب کو بلیک لسٹ کرنے کی تجویز پر یورپی یونین نے فیصلہ سنا دیا

datetime 8  مارچ‬‮  2019
ہمارا واٹس ایپ چینل جوائن کریں

برسلز(آن لائن)یورپی یونین نے مبینہ طور پر منی لانڈرنگ اور دہشت گردوں کی مالی معاونت کے الزام پر سعودی عرب کو بلیک لسٹ کرنے کی تجویز مسترد کردی۔یورپی یونین ایگزیکٹوز کی جانب سے سعودی عرب کو بلیک لسٹ کرنے کی تجویز پیش کی گئی تھی جسے یورپی یونین کی 28 ریاستوں نے مسترد کردیا۔یہ فیصلہ سعودی عرب اور فہرست میں شامل دیگر ملکوں کے دباؤ پر کیا گیا.

یورپی یونین ریاستوں نے اپنے بیان میں کہا کہ اس سلسلے میں متفقہ فیصلہ کیا گیا کیونکہ یورپی کمیشن کی جانب سے ترتیب دی گئی فہرست شفاف طریقے سے نہیں بنائی گئی تھی جس کی وجہ سے یورپی یونین کے رکن ملکوں نے یہ فیصلہ لیا۔اس فیصلے کے بعد یورپیئن کمیشن کو نئی فہرست بنانا ہو گی۔اس فہرست کی یورپی یونین کمشنر انچارج ویرا جورووا نے کہاکہ مجھے مایوسی ہوئی ہے لیکن مجھے امید ہے کہ میں ہمت نہیں ہاروں گی۔انہوں نے کہا کہ یہ عمل شفاف طریقے سے انجام دیا گیا تھا اور اس میں منی لانڈرنگ اور دہشت گردوں کی مالی معاونت کے خلاف کارروائی کے یورپی یونین کے قوانین کی پیروی کی گئی تھی۔کمیشن نے گزشتہ ماہ ایک عبوری بلیک لسٹ شائع کی تھی جس میں چار امریکی حدود امریکن سمووا، یو ایس ورجن آئی لینڈ، پیورٹو ریکو اور گوام سمیت کْل 23 ملکوں کی مختلف حدود کو شامل کیا گیا تھا۔اس فہرست میں جن دیگر ملکوں کی حدود کو شامل کیا گیا تھا ان میں نائیجیریا، لیبیا، پاناما، بہامس، ایران، پاکستان، شمالی کوریا اور افغانستان شامل تھے۔یورپی پارلیمنٹ میں سماعت کے دوران جورووا نے کہا تھا کہ اس فہرست میں شامل ممالک ان کے خلاف محاذ بنا رہے ہیں اور اس سلسلے میں سعودی عرب، امریکا اور پاناما کا نام لیا تھا۔انہوں نے فہرست میں شامل ملکوں کو بلیک لسٹ کرنے کے یورپی یونین کے عزائم پر تحفظات کا اظہار کرتے ہوئے کہا کہ وہ نئی فہرست مرتب کرنے سے پہلے ان سے ضرور مشاورت کریں گی۔یورپی یونین آفیشلز کا کہنا ہے کہ تیل کی برآمدات کرنے والا سعودی عرب یورپی یونین کے ممالک سے اسلحے اور دیگر تجارتی سامان کی اربوں ڈالر کی خرید و فروخت کرتا ہے اور اس نے ان تمام ملکوں کو معاہدے منسوخ کرنے کی دھمکی دی تھی جبکہ سعودی ولی عہد محمد بن سلمان نے یورپی رہنماؤں کو خط لکھ کر کہا تھا کہ وہ کمیشن کے فیصلے کو واپس کرائیں۔یورپی یونین کے اراکین پارلیمنٹ نے اس فہرست کو بلاک کرنے کے فیصلے کو تنقید کا نشانہ بنایا ہے اور کہا کہ اگر ہم اس فہرست پر سیاسی کھیل کھیلیں گے تو یورپی یونین اپنی ساکھ کھو دے گا۔

موضوعات:



کالم



زلزلے کیوں آتے ہیں


جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…