ڈیوووس(این این آئی)جرمن چانسلر انجیلا میرکل نے دوسری عالمی جنگ کے بعد پیدا ہونے والے کثیر الجہتی نظام اور اقوام میں کمپرومائز کی حمایت کرتے ہوئے واضح کیا ہے کہ یورپ کی اقتصادیات کا انحصار بین الاقوامی تجارت پر ہے اور یہ براعظم عالمی کثیر الجہتی نظام کو
محفوظ رکھنے کی بھرپور کوشش کرے گا۔یورپی اقوام اپنے معمولی قومی مفادات سے سے بالا ہو کر سوچنے کے ساتھ ساتھ عالمی اداروں میں اصلاحات کے عمل کو متعارف کرانے پر بھی توجہ مرکوز کریں اور اسی سے بہتر صورت حال سامنے آئے گی۔غیرملکی خبررساں ادارے کے مطابق جرمن چانسلر میرکل نے ورلڈ اکنامک فورم میں تقریر کرتے ہوئے دوسری عالمی جنگ کے بعد پیدا ہونے والے کثیر الجہتی نظام اور اقوام میں کمپرومائز کی حمایت کی ہے۔ انہوں نے واضح کیا کہ یورپ کی اقتصادیات کا انحصار بین الاقوامی تجارت پر ہے اور یہ براعظم عالمی کثیر الجہتی نظام کو محفوظ رکھنے کی بھرپور کوشش کرے گا۔ انہوں نے اپنی تقریر میں یورپی اقوام پر زور دیا کہ وہ اپنے معمولی قومی مفادات سے سے بالا ہو کر سوچنے کے ساتھ ساتھ عالمی اداروں میں اصلاحات کے عمل کو متعارف کرانے پر بھی توجہ مرکوز کریں اور اسی سے بہتر صورت حال سامنے آئے گی۔ جرمن چانسلر نے ملفوف انداز میں امریکی صدر پر تنقید بھی کی۔
