نئی دہلی (این این آئی)بھارتی حکمراں جماعت کے سینئر رہنماء سبرامنیم سوامی نے اپنی ہی جماعت کی الیکشن پالیسی کو بے نقاب کرتے ہوئے وزیراعظم مودی کو مشورہ دیا ہے کہ ہندووتہ کو مزید پھیلائیں کیونکہ اسی سے ہمیں آئندہ انتخابات میں کامیابی مل سکتی ہے۔

ماضی کے برعکس 2014کے انتخابات میں ہم نے ہندوؤں کو جوڑا اورمسلمانوں کو توڑا اس لیے تو ہمیں انتخابات میں کامیابی ملی، گڈگورنس اوراورکارکردگی وغیر سب کہنے کی باتیں ہیں ہم اس پر انتخابات نہیں جیتے تھے،بھارتی ٹی وی سے بات چیت کرتے ہوئے بی جے پی کے سینئر رہنماء سبرامنیم سوامی نے کہاکہ ہماری حکومت کو ہندووتہ کو مزید پھیلانا اوراجاگرکرنا چاہیے تھالیکن ایسانہیں ہوا،انہوں نے کہاکہ آج تک ہندوستان کی70سالہ سیاست میں ہندوؤں کو ذاتوں،مذہب،زبانوں اورورنا میں بانٹاجاتارہا،ہندوؤں کو الگ کرکے اقلیتوں کو جوڑاجاتارہا،مگر ماضی کے برعکس2014کے انتخابات میں ہم نے ہندوؤں کو اکٹھا کیا اورمسلمانوں کو مسلمانوں سے الگ کیا،انہوں نے کہاکہ گزشتہ عام انتخابات میں ہم نے پہلے شیعہ اوربوہرہ برادی کو مسلمانوں کے ووٹ بینک سے الگ کیا،بالخصوص سنی گروپ کو مسلمانوں کے ووٹ بینک میں تنہا کردیاجس کے بعد ہمیں انتخابات میں کامیابی ملی،انہوں نے کہاکہ گڈگورنس اوراورکارکردگی وغیر سب کہنے کی باتیں ہیں ہم اس پر انتخابات نہیں جیتے تھے۔

موضوعات:سبرامنیم سوامی