اسلام آباد(مانیٹرنگ ڈیسک)اومان میں عید الفطر کی سرکاری چھٹیوں کا اعلان کردیا گیا ۔ عرب میڈیا کے مطابق اومان میں عیدالفطر کی چھٹیاں 14جون سے 18جون تک ہونگی ۔تمام سرکاری اور غیر سرکاری ادارے 19جون کو دوبارہ کھلیں گے ۔ادھر سعودی عرب نے عید الفطر کی سرکاری تعطیلات میں اضافہ کردیا ہے ۔سعود ی پریس ایجنسی کے مطابق سعودی شاہ سلمان نے عید کی چھٹیوں میں
اضافہ کردیا ہے۔ رواں سال عید الفطر کی چھٹیاں 24جون تک ہونگی۔عید الفطر کی چھٹیوں کا اطلاق تمام سول اور فوجی ملازمین پر بھی ہوگا۔علاوہ ازیں ابوظہبی کے تمام سرکاری ملازمین کو ایک ماہ کی تنخواہ عید سے قبل بطور بونس ادا کر دی گئی۔واضح رہے ابوظہبی حکومت نے یہ اقدام ریاست کے بانی شیخ زید بن سلطان النہیان کے یوم پیدائش کی 100 سالہ تقریبات کے سلسلے میں اٹھایا ہے۔
