بیجنگ/واشنگٹن(این این آئی) امریکا کے طیارہ بردار بحری جہاز نے جنوبی بحیرہ چین کے متنازعہ علاقے میں گشت کرتے ہوئے فوجی مشقیں کی ہیں۔غیرملکی خبررساں ادارے کے مطابق ان مشقوں میں بیس سے زائد ایف اٹھارہ طیاروں نے بحیرہ چین کے مختلف علاقوں میں پروازیں کیں۔ قبل ازیں چین نے بھی
اس علاقے میں بڑے پیمانے پر عسکری طاقت کا مظاہرہ کیا۔ چین پورے بحیرہ جنوبی چین پر اپنی ملکیت کا دعویٰ کرتا ہے جب کہ خطے کے دیگر ممالک بھی بحیرہ چین کے مختلف جزائر کی ملکیت کے دعوے دار ہیں۔ واضح رہے کہ اس سمندری راستے سے سالانہ پانچ ٹریلین ڈالر کی تجارت ہوتی ہے۔
