لندن (مانیٹرنگ ڈیسک) سعیدہ وارثی یہودی اخبار کے خلاف ہتک عزت کا مقدمہ جیت گئیں،غیرملکی خبررساں ادارے کے مطابق برطانوی دارالامرا کی ٹوری رکن سعیدہ وارثی یہودی اخبار کے خلاف ہتک عزت کا مقدمہ جیت گئیں، اخبار نے معذرت کر لی، 20 ہزار پاؤنڈز ادا کرے گا۔ اخبارکی جانب سے سعیدہ وارثی پر الزام لگایا گیا تھا کہ وہ داعش کی صفائی پیش کرتی ہیں۔ اور انہوں نے داعش میں شامل برطانوی مسلمانوں کے خلاف کارروائی کی مخالفت
کی۔سعیدہ وارثی نے کہا کہ مسلمان انتہا پسندی کی حمایت نہیں کرتے اور مجھ پرداعش کے حملوں کی حمایت کرنے کا الزام لگایا گیا۔ انہوں نے کہا کہ میرے خلاف بار بار آرٹیکل چھاپے گئے جس پر لوگوں نے تنقید کا نشانہ بھی بنایا اورمیری ساکھ کونقصان پہنچا مگر اب اخبار نے قبول کر لیا ہے اور صفحہ اول پر معذرت بھی شائع کی ہے۔انہوں نے مزید کہا کہ اخبار مجھے20 ہزار پاؤنڈ کا جرمانہ ادا کرے گا جو فلاحی ادارے کو دوں گی۔
