قاہرہ(این این آئی)مصر کے صدر عبدالفتح ال سیسی دوسری مرتبہ بڑی پارلیمانی مدد حاصل کر نے میں کامیاب ہو گئے۔ قانون دانوں کے مطابق مصر کے صدر کو پارلیمنٹ کے تین چوتھائی حصوں کی حمایت حا صل ہے ۔ حمایت کا اعلان انتخابات کے شیڈول کا اعلان ہو تے ہی کیا گیا۔میڈیارپورٹس کے مطابق صدرسیسی کو 26سے 28مارچ تک ہونے والے انتخابات کے امیدواروں کے ناموں کا اعلان کرنا ابھی باقی ہے،تاہم مصری صدر کے بارے میں

بڑے پیمانے پریہ توقع کی جا تی ہے وہ انتخابات کی مہم کو بھرپور انداز میں چلائیں گے ۔سابق جنرل فوج کے کمانڈر ہونے کے ایک سال بعد ہی 2014کے الیکشن میں بھاری اکثریت سے کامیاب ہوئے تھے ۔سیسی نے منتخب صدر محمد مرسی کی حکومت کے خاتمے کی قیادت کی تھی۔مصر میں ہونے والے موجودہ انتخابات 2011 کے بعد تیسری مرتبہ منعقد ہوں گے ، 2011 کے انتخابات میں حسنی مبارک کاطویل حکمرانی کا اختتام ہوا تھا۔