کیف(این این آئی)یوکرین کے سابق صدر وکٹرنے کرپشن کے ریکارڈ توڑ دیئے اور اپنے لئے عالی شان محل بنایا جس کے دروازوں کوعوام کیلئے کھول دیا گیا ۔الجزیرہ کے مطابق یوکرائن کے سابق صدروکٹرنے اپنے محل پر دوارب ڈالرزخرچ کئے اور

اب کرپشن پرعمر قید پانے کے بعد روس میں پناہ لئے ہوئے ہیں۔عالی شان محل میں جھیلیں، جانور، سجاوٹ کے قیمتی سامان سمیت عیش و آرام کی ہرچیز موجود ہے۔ لکڑی کے بنے ہوئے اس لاگ کیبن کی 6 منزلیں ہیں اوریہ دنیا کا سب سے بڑا لاگ کیبن ہے ٗمیوزیم آف کرپشن کے نام سے پہچانے جانے والے اس محل کے دروازوں کو عوام کے لئے کھول دیا گیا ہے۔محل کوایک مہنگے علاقے میں بہت بڑے رقبے پربنایا گیا ٗمحل اتنا بڑا ہے کہ ایک دن سے کم میں دیکھنا مشکل ہے ٗ گالف کورس، 2 لاکھ ڈالرزکا فانوس، 4 لاکھ ڈالر کا فرش، معروف گلوکار جان لینن کا پیانو بھی محل میں موجودہے۔ یوکرائن کے سابق صدرکی قیمتی اور نایاب گاڑیوں کی بڑی تعداد بھی شامل ہے، محل میں نایاب طوطے اور شیر سمیت مختلف جانور بھی پالے گئے۔واضح رہے کہ یوکرائن کے سابق صدروکٹرپر کرپشن کے الزامات ثابت ہونے پرعمرقید سنائی گئی تھی، جس کے بعد وہ روس میں پناہ لئے ہوئے ہیں۔