نئی دہلی (آن لائن) سعودی عرب اور بھارت کے درمیان سالانہ حج معاہدہ طے پا گیا ہے جس کے تحت بھارت بحری راستے سے عازمین حج کو جدہ بھیجے گا۔ تاہم بھارت کے مرکزی وزیر مملکت برائے اقلیتی امور مختار عباس نقوی کا کہنا ہے کہ سعودی عرب نے اس پلان کی منظوری دے دی ہے اور آئندہ برس تک اس پر عملدرآمد شروع کر دیا جائے گا

جبکہ اس اقدام سے حاجیوں کے سفری اخراجات کو نمایاں طور پر کم کرنے میں مدد ملے گی۔ واضح رہے کہ سمندری راستہ حاجیوں کو سعودی بھیجنے کے لئے پہلے بھی استعمال کیا جاتا تھا لیکن 1995 میں اس پر پابندی عائد کر دی گئی تھی اس کے علاوہ بھارت کی نئی حج پالیسی کے مطابق پہلی بار خواتین محرم کے بغیر حج کے لئے جا سکیں گی۔