مقبوضہ بیت المقدس (این این آئی)اسرائیلی عبرانی میڈیا کے مطابق روسی وزیر دفاع سیگر شویگو وسط اکتوبر 2017ء کو اسرائیل کے سرکاری دورے پر تل ابیب پہنچیں گے۔اطلاعات کے مطابق روسی وزیر دفاع شویگو اپنے اسرائیلی ہم منصب آوی گیڈور لایبرمین سمیت دیگر عہدیداروں سے ملاقات کریں گے۔رپورٹ کے مطابق شویگو اور لائبرمین کے درمیان ہونیوالی بات چیت میں ایران

کے جوہری اسلحہ کے حصول اور شام کے وادی گولان میں شیعہ جنگجوؤں کے بھیجے جانے کے معاملے پر بات چیت کی جائیگی۔عبرانی ٹی وی کی رپورٹ کے مطابق روسی وزیر دفاع تل ابیب میں حکام سے ملاقاتوں میں دو طرفہ دفاعی تعاون کے فروغ کے متعدد معاہدوں کی بھی منظوری دیں گے۔