واشنگٹن(این این آئی)امریکی سینیٹ نے فوجی بجٹ کے لیے7سوارب ڈالرمختص کرنیکاپالیسی بل منظورکرلیا۔ بجٹ کے لیے مختص رقم افغانستان اورعراق میں سالانہ فوجی اخراجات سے بھی زیادہ ہے۔میڈیارپورٹس کے مطابق اضافی بجٹ کے ذریعے میزائل ڈیفنس پروگرام کادائرہ وسیع کیاجاسکے گا، بجٹ کی مددسے اضافی فوجی اڈے بند کرنیکی ضرورت نہیں رہیگی۔12سو سے زائد صفحات پر مشتمل بل میں فوجی تنخواہوں میں

2اعشاریہ ایک فیصد اضافہ اور شمالی کوریا کی جانب سے بیلسٹک میزائل تجربات کے بعدمیزائل دفاعی نظام کو مضبوط بنانے کے لئے 8اعشاریہ 5ارب ڈالر مختص کیے گئے ہیں۔بل میں روس کے دارالحکومت ماسکو میں قائم کیسپرسکی لیب کی مصنوعات کے فیڈرل گورنمنٹ میں استعمال پر بھی پابندی عائد کردی گئی ہے۔فوج کے لیے انتہائی غیرمعمولی رقم رکھے جانے سے عالمی حلقے سوال کررہے ہیں کہ امریکانیامحاذجنگ کھولے گایاہتھیاروں کی دوڑنئی حدعبورکرلیگی؟

موضوعات:بل منظور