کابل(آئی این پی)افغانستان کے مشرقی صوبہ ننگرہار میں امریکی ڈرون حملے میں اورکزئی ایجنسی سے تعلق رکھنے والے داعش کے رہنما سمیت 3جنگجو ہلاک ہوگئے ۔جمعرات کو افغان خبررساں ادارے ’’خاما پریس ‘‘ کی رپورٹ کے مطابق مشرقی صوبہ ننگرہا رمیں امریکی ڈرون حملے میں پاکستان کے قبائلی علاقے اورکزئی ایجنسی سے تعلق رکھنے والے داعش کے تین جنگجو مارے گئے ہیںصوبائی
حکومت کے میڈیا آفس کے بیان میں جنگجوئوں کی ہلاکت کی تصدیق کی گئی ہے ۔بیان میں مزید کہا گیاہے کہ ڈرون حملہ ضلع نازیان کے علاقے میں کیاگیا۔عسکریت پسندوں کو ضلع نازیان کے علاقے لالما میں نشانہ بنایا گیا ۔دریں اثناء صوبائی پولیس کمانڈنٹ نے ایک بیان میں کہا کہ ہلاک ہونے والوں میں دہشتگرد گروپ کا ایک رہنما بھی شامل ہے ۔پولیس کمانڈنٹ کا دعویٰ ہے کہ علاقے سے حاصل ہونے والی معلومات سے پتہ چلا ہے کہ مارے جانے والے عسکریت پسندوں کا تعلق اورکزئی ایجنسی سے تھا۔
