ریاض(مانیٹرنگ ڈیسک) سعودی عرب میں وزٹر کارڈ کے حامل یمنی شہریوں کو اقامہ دیا جائے گا. عرب میڈیاکے مطابق وزارت داخلہ نے اعلامیہ جاری کرتے ہوئے کہا ہے کہ وزیر داخلہ شہزادہ عبد العزیز بن سعود بن نایف کی ہدایت پر وزٹر کارڈ کے حامل یمنی شہریوں کو دیگر غیرملکیوں کی طرح اقامہ دیا جائے گا.
وزارت داخلہ کے ضوابط کے مطابق صرف ان یمنی شہریوں کو اقامہ دیا جائے گا جن کے پاس وزرٹر کارڈ اور پاسپورٹ ہوگا.اعلامیہ میں مزید کہا گیا کہ اقامہ حاصل کرنے کے خواہش مند کو وزارت محنت وسماجی فروغ کے قوانین کا پابند ہونا ہوگا. یہی نہیں تمام فیسیں جمع کرنے کے بعد کفیل کی بھی پابندی کرنی ہوگی.
