ہلمند (این این آئی)افغان صوبے ہلمند کے شہر لشکر گاہ میں خودکش حملے کے نتیجے میں 2 فوجیوں سمیت 5 افراد ہلاک اور40 زخمی ہوگئے۔افغان میڈیا رپورٹس کے مطابق خودکش حملہ لشکر گاہ میں پولیس ہیڈ کوارٹر کے قریب کیا گیا جس میں ابتدائی طور پر 2 فوجیوں سمیت 5 افراد کے ہلاک ہونے کی تصدیق ہوئی ہے ٗ حملے میں 40 افراد زخمی ہوئے ۔

میڈیا رپورٹس کے مطابق دھماکا انتہائی زور دار تھا جب کہ دھماکے کی اطلاع ملتے ہی سیکیورٹی فورسز اور امدادی ٹیمیں جائے وقوعہ پر پہنچ گئیں ٗدھماکے کے زخمیوں کو مختلف ہسپتالوں میں منتقل کردیا گیا۔ترجمان صوبائی گورنر نے دھماکے کی تصدیق کرتے ہوئے بتایا کہ دھماکے میں پولیس ہیڈ کوارٹر کو نشانہ بنایا گیا ہے۔دھماکے میں افغان فوج کی تین گاڑیوں کو نقصان پہنچا۔افغان میڈیا کے مطابق خودکش حملے کی ذمہ داری طالبان نے قبول کی ہے۔

موضوعات:خودکش طالبان