کولمبو (آئی این پی )گوادر کے بعد چین نے ایک اور بندرگاہ کیلئے بڑا معاہدہ کرلیا،سری لنکا کا ہمبنٹوٹاا بندرہ گاہ کے لئے چینی کمینی سے معاہدہ طے پا گیا، معاہدہ سے سری لنکن فارن ایکسچینج ریزرو اور روپیہ میں استحکام آئے گا ،معاہدے کی بدولت سری لنکا میں بیرونی سرمایہ کاری میں بھی خاطر خواہ اضافہ ہو گا ،

ہمبنؤٹا کا شہر میں ہی چین ایک صنعتی زون تعمیر کر رہا ہے جس سے بیرونی سرمایہ کاری میں اضافہ اور سری لنکن نوجوانوں کے لئے ملازمت کے مواقع میسر ہوں گے۔ چینی سرکاری ذرائع کے مطابق سری لنکن وزیر برائے پورٹس اینڈ شپنگ مہندرا سمارا سینگھے نے اپنی گفتگو میں کہا ہے کہ سری لنکا نے اپنی ہمبنؤٹا بندرہ گاہ کے لئے چینی فرم سے معاہدہ کیا ہے ۔ یہ معاہدہ کئی مرتبہ مذاکرات کے بعد دونوں فریقین کی دلچسپی کے حامل عوامل کو مد نظررکھتے ہوئے طے پا گیا ہے ۔ مہندرا نے کہا ہے کہ اس معاہدہ سے نہ صرف سری لنکا میں بیرونی سرمایہ کاری میں اضافہ ہوگا بلکہ سری لنکن فارن ایکسچینج ریزرو اور سری لنکن کرنسی میں بھی استحکام آئے گا ۔ انہوں نے مزید کہا کہ ہمبنؤٹا کا شہر میں ہی چین ایک صنعتی زون تعمیر کر رہا ہے جس سے سرمایہ کاروں کے لئے بہترین مواقع پیدا ہونگے ۔ اس صنعتی زون کے ذریعے ہزاروں ملازمت کے مواقع میسر ہوں گے جن سے سری لنکن نوجوان استفادہ حاصل کر سکتے ہیں