سنگاپور (این این آئی )برطانوی شہزادہ ہیری نے سنگاپور میں مسلمان کمیونٹی کے ساتھ کجھوروں اور دلیے سے روزہ افطار کیا ۔میڈیارپورٹ کے مطابق برطانوی شہزادہ ہیری دور وزہ د ورے پر سنگا پور گئے ہوئے تھے جہاں انہوں نے جامعہ نامی فلاحی تنظیم کی دعوت پر مسلمان کمیونٹی کے ساتھ روزہ افطارہ کیا ۔اس دوران افطاری سے قبل جب مسلمانوں نے دعا کی تو پرنس ہیری نے بھی اپنے انداز میں دعا کی جس کے بعد ان کی تواضع کجھوروں کے ساتھ کی گئی اور
بعد میں سادہ دلیہ دیا گیا ۔فلاحی تنظیم کے صدر ڈاکٹر محمد حسبی ابو بکر نے کہا کہ رمضان المبارک کے بابرکت مہینے میں ہمیں غریبوں کی مدد کرنی چاہیے اور اپنے خاندان اور دوستوں کے ساتھ وقت گزارنا چاہیے ۔انہوں نے کہا کہ پرنس ہیری کا افطار پارٹی میں موجود ہونا اور یہاں موجود لوگوں سے ملنا ہمارے لیے باعث فخر ہے ۔پرنس ہیری سنگا پور میں فنڈ ریزنگ پولو کپ میں شرکت کے لیے سنگا پور گئے ہوئے تھے جہاں انہوں نے ایچ آئی وی ایڈز کے ایک مریض سے ملاقات کر کے اس حوالے سے بھی آگاہی فراہم کی ۔
